Këngëtari italian Tiziano Ferro ka sulmuar homofobët gjatë koncerti të tij në Olimpico të Romës. Duke iu bërë apel fansave të tij të komunitetit LGBTQ+, ai tregoi një histori të dhimbshme personale, kur dikush sipas tij e ofendoi për shkak të orientimit të tij seksual dhe më pas ia mbathi.
Në skenë, Ferro nxori një letër dhe i tha publikut për kohën kur ishte viktimë e një sulmi homofobik. “Doja të lexoja diçka, e cila nuk ka të bëjë vetëm me diskriminimin sentimental, ka të bëjë me shumë shkallë diskriminimi, ndaj të cilave duhet të luftoni çdo ditë. Para disa vitesh një djalë, duke më kaluar nga e djathta, më ofendoi dhe u largua si frikacak i përsosur që ishte”, kujton artisti i cili në vitin 2011 trajtoi çështjen e diskriminimit dhe sulmeve homofobike.
Më tej ai vazhdoi duke deklaruar se mund t’i kishte respektuar nëse do ta shihnin në sy, ndërsa u bën apel fansave që të bëhen ata që që duan dhe ju siç ua imponojnë të tjerët.
“Unë paradoksalisht do të mund t’i respektoja edhe ata, homofobë, nëse do të kishin të paktën atë minimum dinjiteti të ndalonin dhe të më shikonin në sy. Por jo. Një ofendim i paarsyeshëm, vulgar dhe ndoshta publik, dhe më pas arratisja. Do të më pëlqente ta bëja copë-copë atë, ta rrëzoja në tokë. Nuk do të kisha ikur. Unë do të kisha qëndruar atje, duke e parë atë individ me vëmendje dhe dhembshuri, për t’i kujtuar një herë e mirë se si është një mashkull. Merre jetën, sido që të jetë. Bëhuni ai që dëshironi, jo ai që të tjerët imponojnë”.
