Çdo ditë e më shumë jam Albin Kurt…

Edi Rama është në dijeni të plotë dhe pjesë e planit të Serbisë dhe të interesave ekonomike ndërkombëtare në Veri të Kosovës. Agjenda e tij e vetme është plani për ndarjen e Kosovës, si fazë kalimtare statusi që u ka dërguar presidentit francez e kancelarit gjerman për themelimin e Asasacionit të komunave serbe, nënkupto Dodikimin e Veriut të Kosovës.
Prandaj ka disa javë që u ndjellë shqiptarve ditën e kjametit po nuk u pranua statusi i tij (në fakt ky bën kaçatorrin e shpifur të autorve të vërtetë Aleks-ej e Vuçiç).
Të gjitha deklarimet publike në raport me zhvillimet në Veriun e Kosovës, i ka kundër qeverisë së Kosovës. Askush prej ndërkombëtarve nuk e ka akuzuar e sulmuar më shumë se ai kryeministrin Albin Kurti. Arriti deri aty sa të akuzoje Kurtin se po e qon Kosovën në ditën më të zezë të saj. Kurse Vuçiçit asgjë tjetër nuk i kërkon përpos lirimit të 3 policëve, edhe këtë në aspektin human.
Kurr nuk e kemi dëgjuar ti kërkoje largimin e bandave dhe mercenarve të armatosur që veprojnë në Veri. Kurr nuk e kemi dëgjuar të thotë se shkaktari i situatës në 4 komunat me shumicë serbe është Serbia dhe politika e Vuçiçit.
Vetëm Albini duhet gozhduar, se ai po trazon paqen në Ballkan. Ai po dëmton marrdhënjet me ndërkombëtarët, ai po izolon Kosovën, ai po nxit luftë në Ballkan. Pra, për kryeministrin e Republikës së Shqipërisë Edi Rama, problemi është kryeministri i Kosovës jo Presidenti i Serbisë, është Kosova jo Serbia. Në të vërtetë Ai është pengesa e pakapërcyeshme për “Open Ballkanin” dhe ndarjen e Kosovës.
Ndërkohë, si lavire politike, retushon tradhëtinë e tij sipas konjukturës së ditës, sepse qëndrimeve të tij u mungën boshti kombëtar. Nga përpjekja për ta izoluar plotësish, sapo Albini, ky politikan i pakompromentueshëm e i pakorruptueshëm u takua nga Escobar e u prit në Vatikan nga Papa Françesku, menjëherë lavirja uli tempin e luftës kundër tij. Në të vërtetë e kamufloi qëndrimin e tij duke u sjellë si “Ahtisar” i ri, me propozime statusi të Komunave me shumicë serbe të gatuar në skutat e errëta Aleks-ejane.
Kurr nuk ka qënë më e përçarë politika kombëtare e shqiptarve në Ballkan sa në këto 10 vite që kryeministri Rama drejton Shqipërinë.
Shteti amë, është kthyer në Borrell e Lajçak, në vend që të ishte gjithnjë pranë qeverisë Kurti e në mbështetje të saj në çdo përpjekje për funksionimin e ligjit dhe vendosjen e autoritetit të shtetit në komunat me shumicë serbe, apo për njohjet e reja të Republikës së Kosovës. Rama është vënë plotësisht në shërbim të interesave të multimiliarderit Aleks-ej Soros në Ballkan. U përpoq ta spostonte Kurtin në cepin e ringut duke anulluar pabesisht mbledhjen e përbashkët, jo vetëm për ta paraqitur të izoluar nga perëndimi, por edhe si shkaktarin e radikalizimit të situatës në Veriun e Mitrovicës.
Ndërkohë, kryeministri Kurti, me vendosmëri dhe “pa e ça kryet” për “kujën” e Ramës, po ndjek dy agjenda shtetrore e politiko-diplomatike:- shtrirjen e sovranitetit dhe funksionimit të ligjit në të gjithë territorin e Kosovës sa është e mundur; -kontakte të vazhdueshme diplomatike me amerikanët, anglezët e europianët, jo si brekdhjerë i korruptuar, jo kokulur, por dinjitoz, i vendosur dhe “i vështirë”, i vështirë aq sa të rëndësishme janë punët e kombit.
Rama e ka kthyer problemin e Veriut të Kosovës si çeshtje të tre policëve, duke marr vetë rolin e ndërmjetësit me Vuçiçin. Liro policët e vazhdo agjendën, i thotë nënkuptueshëm mikut të tij Vuçiç. Luan ngriva-shkriva me të, si në big brother. E në fund kur të lirohen kemi për të dëgjuar Vuçiçin të thotë se “dëgjova thirrjen e mikut tim Edi”. Asnjëherë nuk e ka thënë se shkaktari i gjendjes në Veri të Kosovës është Serbia. Në asnjë takim ndërkombëtar nuk e ka akuzuar Serbinë për manipulimin e serbëve të Veriut të Kosovës. Nuk kemi për ta dëgjuar kurr. Madje, është kthyer në mbrojtësi dhe avokati më i madh i Serbisë e Vuçiçit në çdo takim, duke quditur edhe vetë serbët.
Nga ana tjetër, i pajustifikuar dhe i pa kohë qëndrimi i opozitës ndaj Kryeministrit Kurti në Kosovë. E kam fjalën për LDK-në e AAK-në, se PDK është plotësisht në linjën e Rama-Thaçi. Në vend që të jenë në mbështetje të qeverisë se po bën atë që nuk e bënë për 24 vjet këta, i janë hakërryer, (njëlloj si Vuçiçi) Albinit, duke shkelur mbi unitetin kombëtar kaq i nevojshëm sot për ta. “Po na prish me ndërkombëtarët”-thonë. Kujtojnë se Amerika në Kosovë është vetëm për interesin e shqiptarve. A e dini se as “nëna nuk e vë në gjunjë fëmijën pa qarë”. Vetëm uniteti kombëtar si në 98-ën “një komb, një qëndrim” mund të shpëtojmë çfarë ka mbetur nga trojet shqiptare në Kosovë. Vetëm në rast se ne qëndrojmë do na dëgjojnë.
Sepse gjeopolitika ka dinamikën e vet që ndryshon. Fatkeqsisht, pas burrave të mëdhenj të Amerikës miqve të pazëvendësueshëm të Kosovës e shqiptarve, Presidentëve Bush dhe Klinton, Shtëpia e Bardhë ka qënë nën ndikimin e fortë të klani majtist globalist, përfaqësues i të cilëve është multimiliarderi Soros, i cili është kthyer në rrezik për Amerikën jo më për Ballkanin e nyjet që i ka lidhur tash 100 vjet “kurva e motit”.
Rama është kthyer në vegël e dobishme e lobeve proserbe. Tashmë, nuk ndalet para asgjëje, sepse ka humbur plotësisht lirinë, për shkak të skandaleve të tmerrshme me përmasa ndërkombëtare që e kanë përfshirë. Ka korruptuar një zyrtar të lartë të shërbimit sekret amerikan dhe ka lakun në fyt. Megjithatë akoma mbahet në këmbë. Për çfarë, përveqse për të zezën e shqiptarve. Me sa duket ka të vërtetë të madhe se, arsyeja përse tolerohet, si për sa i përket korrupsionit, si për sa i përket nivelit të demokracisë, është se vetëm me to realizohen planet për ndarjen e Kosovës.
Unë nuk kam pikë dyshimi se ndërkombëtarët perëndimor aktualisht e shohin mundësinë e paqes në Ballkan duke i dhënë toka shqiptare Serbisë, ashtu siq kanë bërë në 1913 e 1945, nëse shqiptarët nuk do jenë tani “një komb, një qëndrim”.
Të gjithë e kemi ndjekur takimin e famshëm të Berlinit kur Vuçiç, Thaçi e Rama po i tregonin Kancelares Merkel hartën se ku e si duhej ndarë Kosova, plan të cilin Kancelarja ua përplasi surratit. Por ky plan është rikthyer tashmë si qëllim paqebërje. E gjithë trysnia që ushtrohet ndaj Albin Kurtit nga ndërkombëtarë, kryeministri Rama e një pjesë e madhe e opozitës në Kosovë shkon në drejtim të realizimit të ndarjes.
Vetëm bashkimi i shqiptarve do bëj të dëgjohet zëri i tyre. Por kjo ndodh pa Ramën.
Politikisht nuk jam me Albin Kurtin. Por si shqiptar, jam çdo ditë e më shumë Albin Kurt.
Nga: Av. Ndre Molla